Reiðin magnast

Eins og ég les mig í gegnum þetta samtal, þá hefur reiði mín í garð breskra stjórnvalda magnast til muna.  Það er augljóst mál að Árni lýsir stöðunni umbúðalaust og neitar því aldrei að Ísland axli sína ábyrgð.  Hann gefur einfaldlega til kynna að vonir standi til að þegar ástandið hér heima kemst í þokkalegt lag, muni þeir líta til útlanda og leysa sín mál þar.

 Mér liggur við að spyrja hvort ekki eigi að slíta stjórnmálasambandi við þessa "herramenn"?  Þessi framkoma þeirra í okkar garð er sú versta síðan á Kópavogsfundinum forðum.

Samtal Árna og Darlings

Athugasemdir

[Örn Arnarson, 24.10.2008 kl. 08:15]

Það sagði ég aldrei.  Það ber mikla ábyrgð og þar þurfa menn líka að axla þá ábyrgð fyrir dómstólum.  Kaupþing, stærsta fyrirtæki Íslandssögunnar, er Bretum að kenna og þessum hastarlegu viðbrögðum.  Aðal pointið er: Gaf þetta samtal tilefni til beitingu hryðjuverkalaga á íslensk fyrirtæki í Bretlandi?  Mín skoðun er NEI

[Hulda Margrét Traustadóttir, 24.10.2008 kl. 14:32]

Allt upp á borðið, það er okkar krafa.

Það er komin tími til þess að við gerum eitthvað í málunum.

Knús

Magga "móða"

[Vilborg Traustadóttir, 26.10.2008 kl. 20:45]

Það kom fram í fréttum í kvöld að Seðlabanki Íslands neitaði Landsbanka um lán sem tryggt hefði að icesave reikningarnir hefðu flutt ábyrgðina til breta.

Það var því Seðlabankinn enn og aftur sem bar ábyrgðina.

Hvenær er komið nóg á þeim bæ?

Seðlabankar annarra landa verja bankana okkar bregður fyrir þá fæti, enda var Davíð Oddsson mótfallinn "útrásinni" .

[Örn Arnarson, 26.10.2008 kl. 21:41]

Í Kompási síðasta mánudag mátti nú heyra annað hljóð í kauða, sem mærði þessa menn og ræddi um nauðsyn þess að íslensk fyrirtæki færðu út kvíarnar.  Ég er sammála þér að Seðlabanki Íslands ber mesta ábyrgð á falli bankanna og stjórn hans ber að víkja frá störfum og það fyrir löngu.