Mikið vatn runnið til sjávar

Sæl veriði.

Síðan síðast er þetta helst:

• Við settum upp leikverkið Dýrabær með unglingunum í Heiðarskóla.  Það tókst með eindæmum vel eins má m.a. lesa á bloggi föður míns sem fer fögrum orðum um stykkið.
• Ég gaf mynd á kvennakvöld ÍA á dögunum og seldist hún á uppboði á yfir 40 þús. krónur.  Það fannst mér mjög gaman að heyra og eru þær stelpur vel að þeim krónum komnar.
• Ég var endurkjörinn í samninganefnd FG með dúndrandi kosningu á aðalfundi félagsins.  Ég þakka það traust sem mér var sýnt með því, nú verður nóg að gera næstu misseri.
• Panil kom aftur saman og spilaði í kveðjupartíi fyrir hann Valla okkar, söngvara og konu hans hana Marellu.  Það var gríðarlega skemmtilegt og mæltist vel fyrir hjá viðstöddum, sem margir hverjir voru rótgrónir aðdáendur bandsins goðsagnakennda.
• Ég hef verið töluvert duglegur að fara út og taka myndir í nágrenni Akraness.  Afraksturinn fer að stórum hluta inn á síðu sem heitir www.istockphoto.com.  Ég stefni að auki að því að halda sýningu á Akranesi í sumar.  Sú vinna á eftir að fara í gang síðar.

Þangað til næst bið ég að heilsa

 

Öddi 

Athugasemdir

[Þorgerður Laufey Diðriksdóttir, 19.3.2008 kl. 11:05]

til hamingju með afrasktur mikillar vinnu.

þú ert vel að þessu kominn.

þú ert kyndilberi ungra kennara sem hefur áhuga á starfinu, með rætur sem ná langt niður í grasrót kennarasamfélagsins. En fyrst og fremst ert þú með eyru og augu sem skynja breytingar á kennarastarfinu.

[Magnús Þór Jónsson, 21.3.2008 kl. 23:42]

Hæ litli! (Heilsubælið)

Gaman að sjá þig á svæðinu aftur - reyndu nú að skella inn einu sinni og einu sinni.......

Sjáumst í skírn á Hellissand, the father of all Sands tomorrow!