Öddi kennari

15.4.2007 | 20:42

About bloody time......

Mikið varð ég glaður að sjá þessa frétt. Loksins, loksins, loksins ætlar Sjálfstæðisflokkurinn að fara að vinna í samfélagsþjónustunni, sem hann hefur því miður ekki haft tíma eða bolmagn til að gera þau 16 ár sem hann hefur setið að völdum. Það er áhugaverð forgangsröðun hjá stærsta stjórnmálaflokki landsins (hvernig sem stendur nú á því) að láta heildina, megnið af íslensku þjóðinni, sem þarf að berjast við að láta enda mætast bíða í 16 ár eftir því að tekið sé til við að styrkja velferðar- og menntaþjónustuna í landinu. Það var auðvitað mikilvægara að taka fyrstu 16 árin af stjórnartíð Sjálfstæðismanna í að gefa ríkisfyrirtæki og lækka skatta á tekjuhæstu þjóðfélagsþegnanna.

NÚNA, 16 árum seinna er svigrúm til að auka framlög til menntamála og styrkja velferðarkerfið. Þjóðin stendur í þakkarskuld við Sjálfstæðisflokkinn! Fátækir Íslendingar gráta af gleði við fréttirnar og þakka Guði fyrir. Æ, já. Það er engin fátækt á Íslandi. Gleymdi mér aðeins......

	Vill leiða þjóðina til nýrra tíma
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Sjálfsstæðisflokkurinn hefur haft 16 ára svigrúm til að auka framlög til menntamála og styrkja velferðarkerfið. ---- út afhverju var flokkurinn þá ekki búinn að því?

Vilborg Eggertsdóttir, 15.4.2007 kl. 20:58

Takk fyrir athugasemdina Vilborg. Það er akkúrat þetta sem ég er að benda á

Örn Arnarson, 15.4.2007 kl. 21:04

Afsakaðu, en ertu þá að segja að menntakerfið á Íslandi sé svona slæmt??? Og velferðarkerfið??? Við hvað ertu eiginlega að miða - Paradís?

Margrét Elín Arnarsdóttir, 15.4.2007 kl. 22:20

Takk fyrir athugasemdina Margrét. Ég er að miða við eitt ríkasta land í heimi. Biðlistar í heilbrigðiskerfinu, hár sjúkrakostnaður, komugjöld, niðurgreiðslur vegna tannlæknaþjónustu handa börnum, framlög til reksturs á framhaldsskólum (ekki síst verkgreina), tekjuskipting ríkis og sveitarfélaga vegna grunnskólans, tekjutengingar bóta, aðbúnaður aldraðra, rekstur spítala einkennist af lokunum deilda...... Ég gæti haldið áfram að telja upp atriði sem einkenna arfleifð núverandi ríkisstjórnar í velferðarmálum. Þetta eru málin sem hafa mátt bíða í 16 ár og skjóta svo upp kollinum mánuði fyrir kosningar....

Örn Arnarson, 15.4.2007 kl. 23:23